Տատս ասաց.
-Հայրենիքի մասին մի բան կարդա:
Ասացի.
-Չունեմ:
-Սիրո մասին գործդ կարդա:
-Տատ... չկա...
-Աշնան մասին... Տերյանի պես...
-Դե... Չեմ գրել...
-Բա ի՞նչ ես գրել:
-Ո՞նց ասեմ, տատ,
հիմա լինել-չլինել չկա,
աստված-չաստված չկա,
աշխարհում լիքը ուրի'շ մարդ կա,
գլոբալիզացիա,
հազար ու մի ֆեդերացիա,
Մինսկի խումբ կա,
վրաց-օսական պատերազմ
ու բալկանյան խժբժոց կա,
Տիբեթի ինքնորոշում կա,
ջհուդամասոնական դավադրություն,
ու հոմոֆոբիայի դեմ պայքար կա:
Ամերիկայում սև նախագահ կա
-Յի~ա...
-Բա~... Դիսկրիմինացիա չկա:
Մոդեռն, պոստմոդեռն կա
ու դրա վրա խախտվածներ կան...
Ճգնաժամ կա:
-Էդ հա էլ կա…
Թրաֆիկինգ կա,
պեդոֆիլիա,
տեռոր-մեռոր,
շահիդ-մահիդ,
ֆուն-դա-մեն-տա-լիզմ ու
ուզածիդ չափ –իզմ կա:
(Տատս քաշեց վարագույրը
ու ասաց, որ լիքը ճանճ կա):
-Տատ, վախտը չի,
լիքը հարց կա...
Ու հայ դատ կա:
-Էդ հլը՞ կա:
-Սահման-մահման...
-Վա~յ, այ բալա...
Ֆուտբոլային դիվանագիտություն կա:
-Էդ ո՞րն ա:
-ԻՆՔԸ կիմանա:
Ղարաբաղ կա, տատ,
ուր 14 հոգանոց ընտանիք կա:
-Պատերազմը պրծե՞լ ա:
-Չէ, զինվորների պակաս կա:
Ազատ, թափանցիկ ընտրություններ կա:
-Էդ որտե՞ղ, բալա:
Բաց պորտերի դեմ պայքար կա,
ռուսական բազաներ կան,
օտարալեզու դպրոցներ… դեռ չկան…
Ծառ են կտրում,
ուղեղներին ասֆալտ փռում,
հարթ ու անծալք, սիրուն հղկում:
Մուրացկան կռվացնողներ
ու ազգի կենացը խմողներ կան:
Ու ազգային ինքնության նահատակներ կան…
Հա, նահատակներ հլը կան…
-Ախր մեր վախտ…
-Տա, երրորդ ինտերնացիոնալ չկա,
ու աշխարհի պրոլետարներին միացնող չկա…
Եղբայրական ժողովուրդներ չկան,
Բայց ախպեր-դիկտատորներ կան…
-Էլ բան չկա՞:
-Կարծեմ մեկ էլ
անձրևի տակ քայլողներ կան,
մոլորակին ձեռնոց նետող
ու շատ գաղտնի հաղթողներ կան…
Մոռացել էի, տատ…
-Դե գրի, Տաթ…
4 комментария:
Ես հենց նոր գտա իմ ժամանակների Սևակին... Ինձ շաատ-շաատ դուր եկան Տաթևիկ ջան...
HRASHQ!!!!!!!!!!!!!!
ES HIACAC EM !!!!!!!!!
MENQ DER CHENQ KORCANVI VORPES AZG!!!!
MENQ UNENQ MTACOX VERLUCOX STEXCAGORCOX NOR SERUND!!!!!!!
HRASHQ!!!!!!!!!!!!!!
գովելի աշխարհըմբռնում :)
Էլ ի՞նչ կա գրի էլի ՝լավ էլի...
Отправить комментарий